Barne mugikortasun plana

Sarrera honi atxikita motordun ibilgailuetan egiten diren barne desplazamenduak murriztu eta espazio publikoen kalitatea, segurtasuna eta ingurugiro egoera hobetzera begira udalak landu duen mugikortasun plana jasotzen da. Plan honek nukleo urbanoa osatzen duten kaleak oinezkoentzako gune edo oinezkoek lehentasuna izango duten gune bihurtzea proposatzen du, bertara egiten diren sarrera-irteerak txartel bidezko pilona automatikoekin kudeatuz.

Horretarako herria gune ezberdinetan banatzea jasotzen da: Zirkulazio libreko guneak, zirkulazio kontralatuko guneak, eta zirkulazio mugatuko guneak. Zirkulazio mugatuko guneak oinezkoentzako guneak dira, kasu honetan, alde zaharra. Alde zaharra inguratzen duten guneak berriz zirkulazio kontrolatuko gune gisa definitu dira, eta bertan oinezkoek lehentasuna izateaz gain, ibilgailu motorizatuen sarrerak kontrolatuko lirateke. Izaera hau izango dute, batez ere, Elixoste eta Mainerrota inguruek. Azkenik, zirkulazio libreko guneak ditugu, eremu hauetatik kanpo gelditzen direnenak.

Era berean, herriko 3 sarrera nagusietan parking disuasorioak eraikitzea jasotzen da, bertan ibiligailua utzi eta desplazamenduak oinez egin daitezen.

Plan honen bitartez herriaren hirigintza antolaketa ulertzeko moduan salto bat ematea bilatzen da, kotxea ardatz izan duen herriaren diseinu eta antolaketa batetik pertsona eta oinezkoa ardatz izango dituen antolaketa berri batera.

Honen inguruan herritarrok duzuen iritzia ezagutzea gustatuko litzaiguke. Anima zaitez iruzkin bat egitera!!

Partekatu: Facebook Twitter Pinterest Google Plus StumbleUpon Reddit RSS Email

Iruzkinik ez

Utzi zure Iruzkina

*